Një ngjarje horror ka tronditur Gjermaninë. Sipas autoriteteve gjermane tre trupa të pajetë janë gjetur nga punonjësit brenda një dhome hoteli në Passau.
Sipas asaj që raportojnë mediat gjermane dyshohet se tre viktimat janë qëlluar me shigjeta harku dhe për pasojë kanë humbur jetën.
Për hetuesit në fillim ngjarja ishte shumë e mistershme, ndërsa tashmë kanë bërë të njohura edhe detajet.
Policia konfirmoi të dielën në mëngjes se shigjetat u gjetën në trupat e dy grave dhe një burri. Ndërsa Prokuroria ka urdhëruar kryerjen e autopsisë për trupat e pajetë për të mësuar më shumë mbi shkakun e vdekjes.
Punonjësit e hotelitnë në qytetin bavarez, Unteröd në Ilztal, kishin zbuluar të vdekurit të shtunën. Ata fillimisht kishin dyshuar, pasi dhoma nuk ishte hapur, por pasi gjetën një mënyrë për të hyrë brenda, panë edhe skenën horror me tre trupat e pajetë.
Sipas hetuesve, të vdekurit janë dy gra, të moshës 33 dhe 31 vjeç dhe një burrë, 54 vjeç. Ata kishin marrë me qira dhomën të premten. Marrëdhënia mes personave është ende e paqartë.
