Drejtoresha e shkollës “Sotir Kapo”, ku Ariela dhe Aldison Belulaj u shkolluan, ka folur për këta të fundit pas ngjarjes së rëndë që ndodhi pasditen e djeshme.
Mireta Nasto, e prekur nga ngjarja e rëndë tregon për News 24 se Ariela Murati ishte nxënëse ekselente si dhe një vajzë shumë e edukuar. Mes të tjerash Nasto pohon se Aldison Belulaj njihej si një djalë i qetë dhe se kurrë nuk kishte qenë problematik në shkollë.
“Jemi shumë të shokuar nga ajo që ka ndodhur. Ariela ka qenë një nxënëse ekselente, me nota të mira. Vinte nga një familje shumë e mirë. Por edhe djali nuk ka qenë problematik në shkollë. Ariela vinte shpesh herë në shkollë për të pyetur për motrën e tij, pasi ajo është më e vogël. Interesohej shumë për notat e motrës së saj”, tha drejtoresha e shkollës.
Dje 23-vjeçari Aldison Belulaj qëlloi për vdekje me armë zjarri Ariela Muratin me 5 plumba, ndërsa pas kësaj u vetëplagos dhe ndodhet në gjendje të rëndë për jetën.
