Gjykata e Krimeve të Rënda ka pranuar akt-marrëveshjen e Prokurorisë me Mikel Shallarin, ekzekutorin e komisarit të policisë Artan Cuku.
Sipas marrëveshjes së pranuar tashmë edhe nga Gjykata, Mikel Shallari do të dënohet me 10 vite burgim. 24-vjeçari nga Kuçova ka marrë statusin e të penduarit dhe ka treguar personin që e porositi për të vrarë Artan Cukun.
Ai është Bledar Jambelli, emër i njohur për autoritetet. Jambelli është shpallur në kërkim policor dhe dyshohet se fshihet jashtë Shqipërisë. Ish-drejtori i Policisë së Vlorës, Artan Cuku është ekzekutuar me armë më 8 Prill 2017 përpara pallatit të tij në “Rrugën e Kosovarëve” në Tiranë.
