Pas Durrësit, policia ka zbarkuar në Velipojë. Uniformat blu kanë sekuestruar shezlongë e çadra të shumta në numër, të cilat ishin vendosur në shkelje të ligjit nga ana e bizneseve.
Policia dhe grupe të FNSH kanë zbarkuar në këtë zonë, për të liruar rërën e zaptuar nga bizneset pa leje, tre ditë pas masakrës në Velipojë ku 4 persona mbetën të vrarë më armë zjarri.
Në Velipojë, pikërisht për shfrytëzimin e një zone më rërë për të vendosur shezlongët, nisi debati që çoi në vrasjen e 4 personave, mes tyre edhe 20-vjeçari Musaen Zeneli, i cili po atë ditë kishte filluar punë si kamerier aty. Ngjarja tragjike ndodhi orët e para të mëngjesit të së shtunës.
