Pas atentatit mafioz ku mbeti i vrarë Devi Kasami dy ditë më parë, janë zbardhur detaje të reja në lidhje me këtë ngjarje të rëndë. Gjatë mbrëmjes së djeshme është vënë në pranga bashkëpunëtori i dy autorëve, ndërsa njëri prej tyre është identifikuar si Donjet Konjarit, i cili rezulton të jetë person me precedent kriminal, por rrethanat e kryerjes së ngjarjes së rëndë nuk është zbardhur akoma.
Gazetari Artan Hoxha, në rubrikën “Opinion” në “News24”, thotë se kjo vrasje nuk është vijim i hasmërisë që bënin grupet e vjetra të Tiranës.
“Viti 2017 ka qenë rekord për numrin e ulët të vrasjeve, ndërsa viti 2018 është një vit me trend të lartë të numrit të vrasjeve, dhe të tipit mafioz. Vrasja e fundit në Tiranë është vazhdimi i një situatë e cila u përsërit jo më larg se në 14 janar, ku u vra Emiljano Boçi, dhe u plagos shoku i tij. Edhe pse kanë kaluar kaq ditë, ngjarja është ende pa autor. Ngjarja e ditëve të fundit ku gjeti vdekjen Devi Kasmi, të lë të kuptosh se viktimat janë kthyer në vendin tonë nga vendet e tjera ku jetonin. Persona që dyshohet se ushtronin një aktivitetet kriminal të shpërndarjes së drogave jashtë vendit. Aktivitetin e tyre e ushtrojnë jashtë vendit, ndërsa në Shqipëri kanë familjet, apo vijnë bëjnë investime. Ngjarja e fundit ka patur jehonë në media, pasi emri i tij lidhet me ngjarjen ku mbeti i vrarë Franc Konomi, ngjarje pa autor. Për fat të keq, vrasja e Devi Kasmit përveç kësaj lidhje sipërfaqësore me rastin e Franc Konomit, dhe serialit të vrasjeve të tjera në Tiranë kryesisht në përpjekje për të sunduar kontrollin e territor dhe tregut të lëndëve narkotike. Por nuk ka të bëjë, nuk është vijim i hasmërisë që bënin grupet e vjetra të Tiranës. Grupet e vjetra të Tiranës kanë një tjetër fizionomi dhe ato dalë nga dalë janë shuar”-shprehet Artan Hoxha.
Hoxha shtoi se nga mekanizmi i përdorur, dyshohet se Kasmi është vrarë nga e njëjta dorë si në rastin e atentatit ndaj Domar Konjarit ku ky i fundit u plagos dhe u vra shoku i tij.
“Se dimë nëse kemi të bëjmë më të njëjtën armë, por i njëjti mekanizëm. Që do të thotë se mund të jetë e njëjta dorë që ka bërë krimin. Është folur për një atentat në Madirid, ku Domar Konjari është plagosur dhe shoku i vet ka humbur jetën. Policia si radhë ndonjëherë doli në përfundim se kjo vrasje, ishte si autor Domar Konjari. Nxitimi në këtë radhë u bë që të shfryhej ngjarja dhe media. Iu dha drejtimi. Kemi të bëjmë më një luftë të grupeve rivale, që nga një anë sikur ka nxitim që ‘kokat hëngshin me njëri-tjetrin’. Kjo nuk më rezulton se është banesa e tij reale, e Devi kasmit. Pasi atje ishte lënda narkotike”-tha Hoxha.
