Vrasja e liderit serb në veri të Mitrovicës çoi në ndërprerjen e bisedimeve mes Kosovës dhe Serbisë. Krimi mafioz zuri vend në media kosovare, më shumë në ato serbe, por jehonë të madhe kishte dhe në ato perëndimore për shkak të vendit ku ndodhi akti mafioz.
Kryeministri Edi Rama tha se në nuk janë shqiptarët ata që kanë porositur vrasjen e tij, ndërsa për autorët e ekzekutimit nuk ka folur.
I pyetur nga gazetari Ilir Babaramo nëse trazirat në parlamentin maqedonas, ngjarjet në Malin e Zi ku u tentua eliminimi i ish-kryeministrit Gjukanoviç dhe vrasja e Ivanoviç javën e kaluar, nëse kanë lidhje më njëra-tjetrën, Rama tha se nuk ekziston një tezë e tillë.
“Do të ishte ekzagjerim i paarsyeshëm të thuhej kjo, sepse nuk ka asnjë element faktik që do ta bënte të mundur këtë”-tha ai.
