Atentati mafioz ndaj politikanit serb në Mitrovicë ka shkaktuar frikë të madhe në komunitetin vendas, por kjo ngjarje ka shkaktuar dhe “luftë” diplomatike mes protagonistëve të politikës gjeostrategjike.
Opinionistët dhe njohësit e mirë të politikave të ndërmjetësimit mes Kosovës dhe Serbisë janë skeptikë, pasi sipas tyre, vrasja e politikanit serb në veri të Mitrovicës ka një prapavijë serbe, ndërsa kjo konsiderohet si një lojë e madhe nga Serbia.
Opinionisti i njohur, Naim Rashiti, me anë të një statusi në “Facebook” shkruan se Oliver Ivanoviç është viktimë e regjimit të Beogradit, duke shtuar se ai kritikonte regjimin e atjeshëm, por njëherazi ishte njohës i mirë i aktualitetit politik dhe më gjerë. Sipas tij, kjo është një vrasje politike e shoqëruar më një program të pastër dhe të studiuar mirë.
Statusi në Facebook:
Oliver Ivanovic ishte njeri dhe ndoshta I vetmi politkan serb me mbenjde te mbrehte, I mencur, njohes I sakte I zvhillimeve dhe realist. Vrasja e Oliverit eshte pjese e nje loje me te madhe se sa vrasja e nje serbi. Eshte atentat politik dhe me program politk.Oliveri kishte nje te kaluar te dyshimte dhe perzier. Ishte pjese e njesiteve jo-formale gjate luftes, udheheqes I rojave te ures. E kam pare duke drejtuar rojat e ures ne largimin ne shqiptareve nga veriu. Pas atyre zhvillimeve, ai thoshte se kishte kuptuar gabimet e veta dhe filloi te behej me realist. Ne disa raste, thoshte se pendohej me te berat e tij. …..kjo assesi nuk I lane te bemat e tij.
Ishte politikan I mbrehte, popullor dhe kishte perkrahje te shume njerezve nga komunitetit i tij. Serbet e shihin si perfaqeues te denjte, me sens intelektuali dhe politikani.Ai artikulonte qendirmet e tij edhe kunder qeverise se Beogradit. Rasti I Oliverit eshte I vetmi kur Beogradi bashkepunoi me EULEX-in per hetimet dhe ngritjen e akuzave ndaj tij per perfshirje ne krime lufte.
Por Oliveri eshte vetem nje nga viktimat. Ai dhe shume serb te cilet donin te jetonin me dinjetetshem, mbeten te vetumar dhe atakuar. Ai eshte vetem nje viktime e regjimit, sistemit poltik dhe sigurise te cilin Beogradi e ka operaracionalizur ne veri keto 20 vite. Veriu do te haj edhe shume koka te serbeve. Grupet dhe individet e rritur ne nje hapesire pa rend dhe ligj, me perkrahje te instrumeteve te shtetit dhe organeve te sigurise do të refuzojne vendosjen e rendit, ligjiti, integrimit dhe normalitetit.
