Pas vrasjes së politikanit serb Oliver Ivanoviç, vjen lëvizja e papritur e presidentit Vuçiç.
Ky i fundit do të vizitojë Kosovën të shtunën. Lajmin e dha kreu i Zyrës Serbe për Kosovë, Marko Gjuriç, i cili tha:
“Detyra jonë është që të luftojmë ta gjejmë të vërtetën dhe Serbia nuk do te rrijë duarkryq deri sa vrasësi të vihet para drejtësisë”, i tha ai televizionit publik serb RTS.
“Të jemi me njerëzit tanë në Kosovë, kur është më së vështiri. Do të shkojë në Mitrovicën e veriut dhe në qendër të Kosovës e Metohisë të flasë me njerëzit tanë për problemet që po ballafaqohen ata, të jemi me ta në momentet më të vështira dhe së bashku të gjejmë forcën që na duhet në këtë kohë të vështirë”, shtoi ai.
Ivanoviç u vra dje në mëngjes rreth orës 08:00, teksa po hynte në zyrën e tij, ndërsa në trup iu gjetën 6 plumba.
