Ish-kryeministri Sali Berisha, pak ditë më parë gjatë një emisioni televiziv foli për ezekutimin e Azem Hajdarit, ish-liderit legjendar të PD, dhe deklaroi se një person i kishte shkuar në zyrë dhe i kishte thënë “Unë e vrava Azemin”.
Sipas ish kryeministrit Berisha, ky person që i kishte mbërritur në zyrë, ishte një militant i Partisë Demokratike, mdaje i kishte treguar Azem Hajdarit për makinën që ndodhej pranë selisë së PD.
Gazetari investigativ Artan Hoxha, ka zbuluar pak më parë emrin e këtij personi, i cili pretendon se ai nuk ishte militant i PD, por ishte ish-punonjës i Shërbimit Informativ të Shtetit.
Sipas Hoxhës, ai quhet Bujar Dajo dhe ky person ka vënë në dijeni Azem Hajdarin se jeta e tij është në rrezik.
“Ai është një ish-punonjës i SHISH. Ky person që i ka thënë Azem Hajdarit se jeta e tij është në rrezik, është ish-punonjës i Gazi Dedes. Ai nuk ka dëshmuar kurrë. Kam përshtypjen se dëshmia e këtij personit mund të hapë çështjen në thelb. Ky person quhet Bujar Dajo. Por a ka ky fuqinë dhe tagrin të nxirrte jazhtë Azem Hajdarin. Berisha nuk e identifikoi por tha që është një person që i tha Azemit që ke një kërcënim.
Ai nuk ka vajtur në emër të vet dhe në kokë të vet. Ai ka vajtur me porosinë e dikujt. Prandaj unë them se duhet marrë dëshmia e tij. Nga të gjithë ata që kanë qenë aty rrotull, Azemi nuk e dinte se ata ishin aty jashtë”, u shpreh gazetari në emisionin “Top Talk”.
