Ambasadori i ShBA-vë në Prishtinë, Greg Delawie ka komentuar votimin e marrëveshjes së demarkacionit me Malin e Zi, të cilin e votuan 80 deputetë.
Ai këtë e ka quajtur një lajm të mrekullueshëm, teksa ka falënderuar të gjithë deputetët që votuan pro kësaj marrëveshje.
“Ky është lajm me të vërtetë i mrekullueshëm. Kuvendi e ka bërë punën e duhur. Faleminderit të gjithëve që morën pjesë”, ka thënë ai.
Pas tre vitesh, Kuvendi i Kosovës e ka miratuar demarkacionin me Malin e Zi.
Me 80 vota pro, minimumin e nevojshëm, Kuvendi miratoi sot demarkacionin pas pesë herë ndërprerjesh për shkak të gjuajtjes me gaz nga Vetëvendosje.
