Tirana Today
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
Tirana Today
No Result
View All Result
Home Editorial - Opinione

Vota e anëtarit çmonton Vulën e kryetarit

4 vjet ago
in Editorial - Opinione
“Unë s’jam Luli”, Kadilli pranon humbjen

Nga Fatbardh Kadilli

Çmontimi i monopolit të Kryetarit mbi partinë dhe anëtarësinë është proçes jo thjeshtë i nevojshëm, por jetik për demokratizimin e partisë. Sa kohë të vazhdojmë të kemi këtë gjëndje në partitë tona, ku njëshi dominon i patrazuar, shancet për demokratizimin e partive dhe të vetë shoqërisë mbeten shumë të pakta.

Ndaj të gjithë duhet të jemi në kërkim dhe në mbështetje të çdo rruge që siguron kufizimin e autoritetit të Kryetarit në Parti. Kjo nuk i intereson vetëm anëtarëve të partisë. Kjo është çështje me ndikim të madh në shoqëri, sepse është e qartë dhe e provuar në çdo eksperiment që kemi bërë deri më sot me demokracinë tonë, që Kryetarët siç sillen kur drejtojnë partinë, ashtu do sillen dhe në pushtet.

Që partitë të jenë demokratike duhet të demostrojnë në rradhë të parë sjellje dhe praktikë të ngulitur demokratike në funksionimin e tyre. Si mund të jetë demokratike partia kur vendimet merren nga Kryetari dhe forumet gjithnjë e më shpesh i shohim si noterizues të vendimeve.

Edhe pse PD ka më shumë hapsirë dhe nerv demokratik në funksionimin e saj, përsëri mbetet shumë larg një demokracie të brendshme që të jetë ftuese, që të jetë garantiste dhe të sigurojë vlerësimin e kontributit dhe mos pengimin e karrierës.

Vendosja e primareve si rregull statutor për zgjedhjen e drejtuesve të çdo niveli dhe për zgjedhjen e kandidatëve për Parlament dhe për Bashki është një ndryshim rrënjësor. Dhe nuk është fjala vetëm për mënyrën e votimit, pra me aplikimin e parimit “një anëtar – një votë”. Ky është një standard që jep një mundësi. Por, që të funksionojë duhet që dhe kandidimi të jetë një e drejtë e garantuar për këdo. E drejta për të kandiduar nuk mund të pengohet, as nga vullneti i Kryetarit dhe as nga shoshitja e Forumeve.

Po të vendosim në PD rregullin e të drejtës së pakufizuar të kandidimit dhe votimin “një anëtar – një votë”, do të jemi të parët mes partive shqiptare që hedhim një hap të rëndësishëm demokratizues. Ky do jetë një ndryshim rrënjësor, jo vetëm për ne, por do të jetë një model që do na rikthejë në sytë e qytetarëve si forcë perëndimore, si forcë progresi. Kjo e bën Partinë vërtetë demokratike.

Këto dy parime janë themelore. Por, duhet së bashku me parimet e bukura dhe të shumëpëlqyera të shohim me kujdes edhe praktikën. Për këtë duhet që të ndajmë rolin e kryetarit si udhëheqës politik nga roli i drejtuesit administrativ të partisë. Kjo ndarje së pari kufizon rolin e Kryetarit vetëm si udhëheqës i një projekti politik të vetëm. E bën që gjithë energjitë e tij dhe të mbështetjes të kanalizohen tek një drejtim – ta bëjnë partinë forcë fituese, forcë qeverisëse. Por, fakti që ka mandat të udhëheq partinë deri në përballjen me kundërshtarin në një garë elektorale, nuk i jep të drejtën Kryetarit ta marrë peng partinë përgjithnjë.

Ndaj, drejtimi administrativ i partisë ndahet. Atë nuk mund ta bëjë më Kryetari, por një trupë tjetër. Këshilli i të urtëve është një mekanizëm që garanton partinë, garanton vazhdimësinë e partisë përtej një projekti të një kryetari të rradhës. Ky këshill duhet të përgjigjet për organizimin dhe regjistrimin e strukturave, për regjistrimin e anëtarësisë, për aspekte statutore, për organizimin e zgjedhjeve për drejtuesit partiak dhe për kandidatët që ne nxjerrim në garat elektorale, qendrore dhe lokale. Ky këshill duhet të garantojë dhe përdorimin e balancuar dhe proporcional të financave të partisë, mes qendrës dhe degëve.

Vetëm me këtë ndarje të rolit politik nga ai administrativ, parimi i zgjedhjeve me primare do të ishte real.

Këto ndryshime forcojnë votën e anëtarit dhe çmontojnë vulën e kryetarit. Këto na shërbejnë të kuptojmë se kryetarët janë të përkohshëm dhe strukturat partiake dhe anëtarësia janë të përhershme.

Tags: anetariFatbardh KadilliKryetaripartia

TË LIDHURA

💸 Pse rrogat rriten në letra, por varfëria rritet në realitet?
Analizë

💸 Pse rrogat rriten në letra, por varfëria rritet në realitet?

22:32 | 19/05/2025
Beteja për çlirimin e demokracisë sapo ka filluar,shprehet:Ardi Stefa
Editorial - Opinione

Beteja për çlirimin e demokracisë sapo ka filluar,shprehet:Ardi Stefa

22:17 | 17/05/2025
Analizë/ Pse politika shqiptare nuk prodhon më liderë të rinj?
Analizë

Analizë/ Pse politika shqiptare nuk prodhon më liderë të rinj?

22:49 | 15/05/2025
Next Post

Gripi i shpendëve shfaqet në Fier

Nostalgji futbolli/ 7 korrik 1974, finalja që Holanda ende nuk e di si e humbi

Nostalgji futbolli/ 7 korrik 1974, finalja që Holanda ende nuk e di si e humbi

“Kam punuar shumë”/ Rebelohet deputetja e ‘kërpëratave’: Ç’ju duhet juve?

“Kam punuar shumë”/ Rebelohet deputetja e ‘kërpëratave’: Ç’ju duhet juve?

JU REKOMANDOJMË

Policia zgjohet herët, “rrethohen” Tirana, Durrësi, Fieri dhe Vlora. Ja për çfarë bëhet fjalë

Policia zgjohet herët, “rrethohen” Tirana, Durrësi, Fieri dhe Vlora. Ja për çfarë bëhet fjalë

08:28 | 21/05/2025
Tmerr nga ajri/ Aeroplani bie mbi lagje, banesa në flakë

Tmerr nga ajri/ Aeroplani bie mbi lagje, banesa në flakë

16:04 | 22/05/2025
”‘Më dërgo foto nu*o…’ – Flirti online kthehet në makth për 26-vjeçaren e martuar”

”‘Më dërgo foto nu*o…’ – Flirti online kthehet në makth për 26-vjeçaren e martuar”

22:15 | 23/05/2025
‘Kili’ i kokainës bënte namin në Durrës/ Si kishte ndërtuar laborator droge pranë hotelit të tij

‘Kili’ i kokainës bënte namin në Durrës/ Si kishte ndërtuar laborator droge pranë hotelit të tij

18:58 | 21/05/2025




TË FUNDIT

Po Partia Demokratike çfarë do të bëjë?
Aktualitet

Po Partia Demokratike çfarë do të bëjë?

by mirseda
22:54 | 24/05/2025
0

Spartak Ngjela: Nuk ka me qesharak sesa humbësi i zgjedhjeve Sali. Saliu paska vendosur të mos bëjë...

Homazhe dhe përcjellje për Artan Lamen, familja njofton datat e ceremonive mortore

Homazhe dhe përcjellje për Artan Lamen, familja njofton datat e ceremonive mortore

22:06 | 24/05/2025
E trishtë! Mbyll sytë përgjithmonë regjisori i njohur (Emri+Foto)

E trishtë! Mbyll sytë përgjithmonë regjisori i njohur (Emri+Foto)

21:58 | 24/05/2025
“Vajza me flamur”, Rama ndan foton e fitueses së “Wanderlust” in Albania 2

“Vajza me flamur”, Rama ndan foton e fitueses së “Wanderlust” in Albania 2

20:39 | 24/05/2025
“E vrau në faqe – Avokati i Selimajt zbulon arsyen tronditëse”

“E vrau në faqe – Avokati i Selimajt zbulon arsyen tronditëse”

20:26 | 24/05/2025

Tirana Today


© 2024 TiranaToday Dev By: Techzero1.com


© TIrana Today. All rights reserved.

Kontakt

EMAIL : redaksia@tiranatoday.com

Cel: +355694040005

Follow Us

Tirana Today

© TIrana Today. All rights reserved.

EMAIL : redaksia@tiranatoday.com

Cel: +355694040005

© 2022 TiranaToday Dev By: wearedope.com

Follow Us

No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing

© 2024TiranaToday Dev by : Techzero1.com