Avokati Spartak Ngjela u shpreh se ceremonia përkujtimore që u mbajt pak ditë më parë në nder të ekstremistit grek, Kostandinos Kacifas, ishte histeri ndaj shqiptarëve dhe gjuhës shqipe.
I ftuar këtë mbrëmje në emisionin “360 gradë”, Ngjela theksoi se lufta ndaj shqiptarëve lindi nga gjuha shqipe, pasi ka armiq të tmerrshëm të gjuhës tonë.
Po ashtu, avokati e quajti një “injorante” të ëmën e Kacifas, e cila lëshonte thirrje në greqisht për vrasje, dhunë dhe luftë, ndërsa e konsideronte Vorio Epirin tokë greke.
“Por mos harro se Mali i Zi ka qenë quajtur Malësia. Ata janë të gjithë katolikë. Kosovarët, janë katolikë të gjithë që janë kthyer me dhunë. Pra gjithë kjo histeri kundër shqiptarëve dhe gjuhës shqipe vjen dhe përplaset sot. Edhe ajo gruaja, një injorante thotë kemi ardhur të çlirojmë Vorio Epirin. Epiri është shqiptar, ja ku e ke historianen. Ka një luftë që na ka krijuar shkatërrim të madh, pushtimi i Epirit nga Iliria. Ajo që na intereson është se lufta kundër Shqiptarëve nuk ka lindur se lindi Shqipëria, ka lindur për gjuhën shqipe dhe kanë qenë armiq të tmerrshëm të gjuhës shqipe. Argo do të thotë ‘ar’. E di si i ka thënë qumështit Sokrati? Pi gji”, deklaroi Ngjela.
