Kryebashkiakja demokrate e Shkodrës Voltana Ademi i është kundëpërgjigjur sot kryeministrit Edi Rama pas deklaratave të tij gjatë takimit që kishte sot me të rinjtë e qytetit të shkodrës.
Nëpërmjet një statusi në “Facebook”, Ademi thotë se Rama është tallur dhe po tallet me Shkodrën.
Kryebashkiakja, gjithashtu u shpreh se takimi i Ramës sot në Shkodër dështoi pasi autobusët i kishte mbushë me turistë nga Puka, Lezha e Kopliku.
STATUSI I VOLTANA ADEMIT
Edi Rama sulmon Bashkinë Shkodër e thotë me vete: “Si ka mundësi!!!! Unë i bllokoj çdo gjë e këto çdo ditë po vazhdojnë të ndërtojnë e zbatojnë projekte!!!”
Në fakt, nëse ka një njeri që është tallur e po tallet me Shkodrën është Rama!
Shikoni këtë video…
Tallje e Ramës është kur thotë që bëmë “Marubin”, e që në fakt e beri qeveria Berisha, por shiritin e preu Rama…
E sa për liqenin e Shkodrës është projekti ynë, ëndrra që po realizojmë për të gjithë shkodranët.
Edhe pse sot në Shkodër solle autobusë me turistë nga Puka, Lezha e Kopliku, prapëseprapë, si pasojë e kësaj tallje, sot takimi të dështoi!
Edhe pse ti kryeministër mashtron për gjithçka që flet dhe e urren Shkodrën, të premtoj se Shkodra historikisht është drejtuar e do të drejtohet nga demokratët e njerëzit e lirë!
