Vogëlushja shqiptare Elodie, është zgjedhur si një ndër nxënëset me të mira dhe është pjesë e Këshillit Bashkiak të Fëmijëve. Elodie është në klasën e 5-të. Lëndët e preferuara të saj janë matematika dhe anglishtja, shkruan vinalmont.blogs.sudinfo.be. 
Emri i Elodie: nuk është i lehtë për të shkruar; është një emër familjar që vjen nga Shqipëria, ku jetojnë gjyshërit e saj. Shqipëri është një vend i bukur, jo më i madh se Belgjika. Ajo ka qenë e sunduar nga regjimi komunist. Por, situata ka ndryshuar, është bërë një vend demokratik. Shqipëria tani po përmirësohet shumë shpejt. Ajo është një vend piktoresk dhe mjaft interesant. Shqipëria është një ndër vendet kandidate për t’u anëtarësuar në BE.
Familja shqiptare jeton në rrugën Potalles, ku të tre fëmijët e familjes , vajza me e madhe Edona, Elodia dhe vëllai i tyre Enzo, shkojnë në shkollën Vinalmont.
Elodie, është një vajzë e turpshme, por që është e dashur me të gjithë.
Ajo kandidoi me një projekt për t’u bërë këshilltare. Kandidatura e saj ishte e fokusuar në një program ambicioz që tregoi mirë personalitetin vogëlushes. Elodie, e cila dëshiron të bëhet avokat, dëshiron të mbrojë fëmijët, por edhe mjedisin:
– të studiojnë se si të krijohen lojëra të reja për fëmijët dhe të rriturit, të cilat do t’i lejonin të gjithëve të argëtohen.
– forcimi i operacioneve të pastrimit përreth shkollës.
– të përmirësohet gjendja e tualeteve dhe të bëjnë të gjithë të vetëdijshëm për këtë problem …
Tashmë neve na mbetet veçse ti urojmë suksese në detyrën e re si këshilltares, vogëlushes që na bën të gjithëve krenarë. TIRANA TODAY
