Dy persona të shpallur në kërkim, njëri për kanabis dhe tjetri për një përplasje me armë në gusht në një lokal nate në Sarandë u arrestuan nga policia e Vlorës.
Agron Hazizaj 41 vjeç banues në fshatin Trevllazër ishte në kërkim për prodhim dhe shitje droge. Ai akuzohet për 128 ka kanabis dhe tre armë që u sekuestruan më datë 24.11.2015 në fshatin Trevllazër.
Ndërsa Diomet Musa 30 vjeç, banues në Sarandë ishte në kërkim për plagosje dhe armëmbajtje, ngjarje e ndodhur në 28 Gusht 2017, në lagjen ”Nr.1”, Sarandë.
Diomet Musa ishte në kërkim për një përplasje me armë zjarri që ndodhi në fundin e muajit Gusht në qytetin bregdetar, ku u plagosën tre persona.
Pas një sherri mes dy grupeve rivale mbetën të plagosur Anton Shyti 37 vjeç dhe Besi Xhafaj 26 vjeç (Pjesë e një njërit prej grupi rival) dhe bashkëpronari i lokalit Fisnik Musa, 35 vjeç, (pjesë e grupit tjetër).
Diomet Musa është bashkëpronari i lokalit ku ndodhi përplasja me armë zjarri, ndësa është arrestuar, pasi ishte në kërkim.
