Policia e Vlorës ka arrestuar në flagrancë një hajdut “profesionist” duke vjedhur një banesë.
Mësohet së në orët e para të mëngjesit sotëm pranë lagjes “Rilindja” ka kapur në kushtet e flagrancës shtetasin Arben Guçaj duke kryer veprën penale të vjedhjes në banesën në pronësi të shtetasit L.B., 35 vjeç.
Sipas burimeve konfidenciale për Tirana Today, bëhet me dije se Policia e Vlorës ka mbajtur në mbikëqyrje autorin përreth 1 muaj pasi dyshohej se mund të kryente ndonjë vjedhje të mundshme.
Nga informacionet e para, ka rezultuar se autori është futur me çelës kopje në banesë, por Patrulla e Përgjithshme në bashkëpunim me Seksionin për Parandalimin e Krimit, kanë bërë të mundur prangosjen e tij.
Gjithashtu, bëjmë me dije se ky shtetas është person me precedent penal të mëparshëm pasi është dënuar më parë për të njëjtën vepër penale (Vjedhje).
Materialet iu referuan Prokurorisë për veprën penale “Vjedhja”.
