Një ngjarje e rëndë raportohet se ka ndodhur në Vlorë, ku një 13 vjeçar është vrarë me armë zjarri në fshatin Fitore.
Ngjarja e cila dyshohet të ketë qenë aksidentale ka ndodhur rreth orës 16:40, në fshatin Fitore. Viktima është shtetasi me iniciale M.A., 13 vjeç.
Siç edhe sqaron policia, “në momentin e ngjarjes, fëmija ka qenë vetëm duke luajtur në një godinë ngjitur me banesën, ky dyshohet se është vetëvrarë aksidentalisht me armë zjarri tip Pistoletë TT”.
Grupi hetimor po punon për sqarimin e rrethanave dhe dokumentimin e plotë të ngjarjes.
Trupi i 13-vjeçarit është dërguar në morgun e spitalit të Vlorës ku po i nënshtrohet ekspertizës për të zbuluar më shumë rreth ngjarjes.
