E ardhmja e Elseid Hysajt në merkaton e verës u diskutua gjatë, pasi për të ishin të interesuara disa skuadra të mëdha. Vetëm pak ditë më parë agjenti i shkodranit konfirmoi se ekipi i Chelseas ishte i gatshëm që të paguante klauzolën e tij që ishte 50 milionë euro. Ishte Maurizio Sarri ai që e kërkoi me ngulm në Londër, por presidenti i Napolit bëri çmos që të mos e lejonte.
Por ka një diferencë të madhe mes asaj që Hysaj merr tek napolitanët dhe asaj që vlen në tregun e transferimeve. Ai merr një rrogë jo shumë të kënaqshme, 1.6 milionë euro në sezon dhe kjo është shumë pak për një ndër futbollistët kryesor të ekipit, por duke pasur parasysh dhe se sa shumë para do të fitonte klubi në rast se e shisnin.
Aktualisht, mbrojtësi shkodran përfiton 1.6 milionë euro në sezon te Napoli duke qenë edhe pas lojtarëve si Grins, Mario Rui apo Kirikes që përfitojnë më shumë se 24-vjeçari. Kontrata e tij aktuale, skadon në vitin 2022, ndërkohë që pritet që Napoli t’i ofrojë rinovimin dhe natyrisht nj rritje page, për të bindur mbrojtësin që të qëndrojë në “San Paolo” edhe për disa vite të tjera.
