Ambasadorja e Bashkimit Europian Romana Vlahutin e cilësoi shumë të rëndësishëm transparencën për shumën 2.1 mln euro të dhënë nga BE-ja për forcimin e procesit auditues të fondeve publike në Shqipëri. Ajo kërkoi transparencë në përdorimin e fondeve buxhetore për një shtet që synon BE. Ndërkohë kreu i KLSH Bujar Leskaj vlerësoi projektin që sipas tij ka forcuar kapacitet e institucionit që drejton.
Bashkimi Europian kërkon më shumë transparencë për përdorimin e fondeve publike në të mirë të qytetarëve.
Duke folur në përfundim të procesit të binjakëzimit i financuar nga BE ambasadorja Romana Vlahutin u shpreh se qytetarët shqiptarë kanë të gjithë të drejtën që të dinë se ku shkojnë taksat që ata pagujnë.Ndrësa theksoi se qeverisja e mirë ekonomikë është pikë e rëndësishme për çdo vend që synon integrimin.
Auditimi është aktor i rëndësishëm për baraspeshën e pushteteve në përdorimin e parasë.Qeverisja ekonomike është e rëndësishmë për çdo shtet që do të futet në BE pasi duam të jemi të sigurt për përdorimin e parave publike.Qytetarët shqiptarë kanë të gjithë të drejtat të dinë se si ja e shpenzuar paratë e tyre dhe ku kanë shkuar paratë e tyre. E rëndësishme është edhe forcimi i bashkëpunimit midis KLSH dhe parlamentit.
Ndërkohë kreu i Kontrollit të Lartë të Shtetit Bujar Leskaj vlerësoi eksperiencën e ofruar nga dy institucionet simotra nga Polonia dhe Kroacia.
Audituesit polakë dhe kroatë kanë marrë pjesë në auditueset tona financiare apo ato të teknologjisë së informacionit. Ne realizuam përmes 97 misioneve të auditimit dhe 6 vizitave pune dhe shkëmbim eksperiencash ne këto dy institucione ne realizuam atë shkëmbim të nevojshëm të njohurive.
Projekti i binjakëzimit IPA 2013 ka një vlerë prej 2.1 mln eurosh dhe ka nisur zbatimin në 2016 deri në korrik të këtij viti duke pasur si synim forcimin e kapaciteteve të auditimit në Shqipëri.
