Vladimir Gjuta i cili u arrestua disa javë më parë pranë selisë së PS i maskuar dhe me armë, mësohet se është mbyllur në regjimin “41-bis”.
“41-bis” është një regjim i posaçëm, që parashikon izolimin e të burgosurve, të cilët dyshohet se mbajnë kontakte me botën e krimit jashtë qelisë.
Bëhet me dije se Gjuta, për 3 muaj nuk do të ketë asnjë kontakt me të paraburgosur, apo familjarë, sakaq raportohet se ai është konfliktuar me gardianët.
Ky vendim është ndikuar nga sjellja e keqe e tij në ambientet e paraburgimit, duke u konfliktuar me gardianët e burgut, ç’ka ka sjellë marrjen e vendimit për izolimin e tij. Për një periudhë 3 mujore, Gjuta nuk do ketë kontakte me të paraburgosur e tjerë në burgun e Fierit, familjarët dhe shokët e tij. Gjykata e Fierit ka vendosur izolimin e tij në ambientet e sistemit që quhet “41 bis”. Vendimi në fjalë është caktuar në datën 11 prill 2020 nga gjyqtari i Fierit, Taulant Banushi.
