Një i moshuar i cili jetonte në Itali, por kishte ardhur për pushime pranë familjes së vajzës ka gjetur vdekjen, pasi është rrëzuar nga shkallët e një pallati. Ngjarja e rëndë ka ndodhur mëngjesin e sotëm, në lagjen nr 1., Durrës, ku 70-vjeçari dyshohet se është rrëzuar nga shkallët e një pallati.
Burimet thanë se 70-vjeçari jetonte në Itali, dhe kishte ardhur para 3 ditësh pranë familjes së vajzës, për pushime në Durrës. I ndjeri, me origjinë nga Korça, zgjohej herët dhe dilte për ecje mëngjesi. Paraprakisht dyshohet se 70-vjeçari është rrëzuar aksidentalisht nga lartësia e pallatit. Ai është gjetur pa jetë në oborrin e pallatit, pranë godinës së universitetit.
Po sot herët në mëngjes, ai kishte përcjellë familjet e djemve në Itali, pasi kaluan disa ditë pushime në Shqipëri. Trupi u dërgua në morg, për të përcaktuar shkaqet e vdekjes, ndërsa policia ka nisur hetimet, për të hedhur dritë mbi ngjarjen.
