Një ditë para protestës së iniciuar nga opozita, një thirrje shqetësuese vjen nga deputeti i PD-së në qarkun e Dibrës, Xhemal Gjunkshi. Me anë të një komenti të detajuar, ai ka denoncuar bllokimin e linjës së mikrobusëve Peshkopi-Tiranë. Gjunkshi citon se firma ‘Ariu Ariu’ e cila mban linjën e mikrobusëve Peshkopi-Tiranë, ka dhënë urdhër për mos qarkullimin e mikrobusëve nga ora 04:00 e mëngjesit.
Sipas tij, Adil Cibaku është akuzuar publikisht për aferat korruptive në raport me drejtuesit e mjeteve (shoferëve), të cilët kryejnë çdo dite këtë rrugë, ku u merr privatisht nga 500 mijë lekë të vjetra në muaj ryshfet shoferëve të kësaj linje.
Mjaft i tronditur për çfarë po ndodh, deputeti sqaron se pavarësisht denoncimeve publike, ende nuk ka asnjë veprim si nga Ministria e Infrastrukturës dhe Energjisë, dhe nga Prokuroria e Rrethit Dibër, për të ndëshkuar këtë individ. Ndodhur në këto kushte, ai kërkon ndjekjen penale të tij.
