Një ngjarje disi komike është regjistruar në Kaliforni të SHBA-ve, teksa një grua ka ndërprerë dasmën e djalit të saj, pasi nuk binte dakord me betimet e nuses.
Ishte motra e nuses, Sarah Ragsdale, e cila postoi në Tik Tok momentin e pabesueshëm që ndodhi gjatë martesës.
“Dasma e motrës sime disa vite më parë. Vjehrra e saj e ka urryer gjithmonë. Ajo është nga ato vjehrra që ndihet sikur motra ime po ia merr djalin e saj”, shkroi ajo në një nga videot e postuara.
Në një video të dytë ajo shtoi: “Vjehrra e saj u ul atje teksa çifti mbaroi ceremoninë e tyre. Doli jashtë dhe priti derisa të dilnin jashtë për të bërë fotot e tyre të dasmës, që të fillonte të fliste sërish përçart”.
Në video shihet nusja duke shkëmbyer betimet që ajo ka shkruar për burrin e saj, por vetëm disa sekonda pasi ka përfunduar ato, vjehrra e saj filloi të bërtiste në altar.
Ajo dëgjohet duke kritikuar përmbajtjen e premtimeve, duke pretenduar se djali i saj nuk ka ‘të meta’.
“Nuk do të lejoj të thuash që djali im ka të meta”, thotë ajo.
Ndërsa nusja i përgjigjet: “Mund të largohesh. Ju nuk do ta prishni dasmën time”.
Pastaj duke tundur në mënyrë agresive gishtin në drejtim të nuses vjehrra thotë: “Jo, atë fustan që ke veshur e kemi paguar ne”.
Nusja përgjigjet: ‘Të gjithë kanë të meta dhe kjo është arsyeja pse unë e dua atë. Mund të largohesh, Xhudi. Ju mund të dilni nga dasma ime tani”.
Duke dalë nga vendi i saj, nëna e dhëndrit nuk pranon të largohet dhe përsërit se ajo ka të drejtë të jetë aty, pasi bleu fustanin e nusërisë.
