Me anë të një postimi, Ambasada amerikane shpreh gadishmërinë për të ofruar asistencë për të gjithë ata që duan të vizitojnë apo jetojnë në SHBA, nëpërmjet mënyrave të ndryshme ligjore.
Këtë herë, postimi ka qenë i fokusuar mbi bashkimin me të fejuarin apo bashkëshortin. Sipas postimit, për çiftet e fejuara koha e nevojshme për të bërë bashkimin është më e shkurtër, por por ka më shumë procedura pasi të hyhet në SHBA. Ndërkohë që për çiftet e martuara koha është 18 muaj.
Postimi:
Ka shumë mundësi për ju që të ribashkoheni me partnerin tuaj në Amerikë. Zgjidhni se cila nga to është më e mira për ju. Nëse keni paqartësi, më pyesni. #PyetAnen
Vizë fejese apo martese? Viza e fejesës është më e shpejtë, por ka më shumë procedura pasi ju të hyni në SHBA. Për çiftet e fejuara koha e përafërt e udhëtimit 9 muaj. Për çiftet e martuara koha e përafërt e udhëtimit 18 muaj”, shkruan ambasada e SHBA.
