Teksa numri i viktimave po rritet në mënyrë të frikshme dhe harta e shpërndarjes po zgjerohet, SHBA-ja ka vendosur të shpallë gjendjen e emergjencës kombëtare për shkak të virusit misterioz kinez.
Dje, në një dalje publike, përfaqësuesi i Departamentit të shëndetit, njoftoi vendosjen e gjendjes së emergjencës. Tashmë, si masa e parë do të aplikohet ndalimi i udhëtimeve në Kinë. Gjithashtu, në vend nuk do të lejohen të hyjnë në SHBA edhe persona të cilët kanë udhëtuar të Kinë 14 ditët e fundit.
“Rreziku i infektimit të amerikanëve mbetet i vogël. Me këto dhe veprimet e mëparshme ne jemi duke punuar që rrezikun ta mbajmë të ulët”, taha Alex Azar nga Departamenti i Shëndetit.
Masat e vëna nga SHBA-ja janë kundërshtuar nga ambasadori kinez në Organizatën e Kombeve të Bashkuara. Ai e ka quajtur “panik i panevojshëm”.
“Nuk është e nevojshme të frikësohemi në mënyrë të panevojshme dhe as të marrim masa të tepërta parandaluese”, deklaroi përfaqësuesi kinez, Xu Chen, në një konferencë shtyp në Gjenevë duke nënvizuar se OBSH-ja kishte shprehur besim të plotë tek Kina.
