Frika e një virusi që mund të shndërrohet në epidemi ka vënë në alarm autoritet britanike, pas rastit të zbuluar sot në SHBA.
Autoritetet londineze që tani e tutje do të aplikojnë masa dhe rregulla strikte për të gjithë udhëtarët nga zonat e prekura nga virusi. Sipas raportime të BBC, të gjithë pasagjerët kinezë, sidomos nga rajonet ku janë raportuar vdekjet, do të kalohen në një zonë të veçantë të aeroportit. Ata nuk do të kenë kontakt me pjesën tjetër të pasagjerëve.
Vetëm pasi të sigurohen që nuk janë të prekur nga virusi ata do të lejohen në pjesën tjetër të terminaleve.
Ministri britanik i transportit, Grant Shapps, njoftoi se organet e shëndetit publik janë duke i marrë disa masa parandaluese. Sipas tij, niveli i njoftimit për rrezikun nga virusi është ngritur nga “shumë i ulët” në “të ulët” dhe se autoritetet janë duke e përcjellë gjendjen me shumë kujdes.
Pritet që ministri i Shëndetësisë, Matt Hancock të zbulojë masat e reja në orët në vijim. Ekzistojnë tri fluturime të drejtpërdrejta në javë nga Wuhan-i drejt Londrës dhe anasjelltas.
Deri tani, nëntë persona kanë vdekur dhe qindra të tjerë janë infektuar nga ky virus, i cili fillimisht u përhap në qytetin Wuhan të Kinës e më pas edhe në shtete të tjera.
