Banorët kinezë kanë filluar të gjejnë mënyra për t’u mbrojtur nga virusi misterioz kinez. Daily Mail raporton se në shumë zona të qyteteve që janë në karantinë, rrugët janë fortifikuar me tulla dhe banorët kanë ngritur pika kontrolli për temperaturën. Në këtë mënyrë, ata duan të ndalojnë kalimin e pakontrolluar të personave që mund të jenë të prekur apo mund të kenë simptoma të gripit misterioz.
Karakteristikë e këtyre mureve është se ato nuk janë të palëvizshme dhe tullat thjesht janë të vendosura njëra mbi tjetrën, pa material ngjitës apo izolues.
Banorët e së paku gjashtë fshatrave në provincën Hubei – ku janë shënuar më së shumti raste të koronavirusit – e kanë marrë situatën në duart e tyre, duke u përpjekur ta luftojnë virusin përmes tullave të betonit.
Deri tani janë shënuar 106 viktima dhe 4500 të tjerë janë infektuar nga koronavirusi.
