Portokalli nuk njihet si ndonjë frut pasionant, megjithatë Portakallia ka qenë një spektakël i frytshëm për historitë e dashurisë.
Ami dhe Ermali janë një çift që e kanë konsoliduar historinë e tyre në këtë program, por nuk janë të vetmit. Ervin Bejleri dhe Gladiola Harizaj janë një tjetër çift që e kanë nisur historinë e tyre në spektaklin e humorit, në kohën kur ishin të dy aktorë dhe njiheshin me rolet e tyre si Vini dhe Silva.
Pjesë e programit “Mos i fol shoferit”, çifti që tashmë janë prindër të një vajze, Zahara Coco, kanë treguar që fillimet e historisë i kanë pasur pikërisht në Portokalli.
Ka qenë një fillim historie tipike, nga ato, kur të gjithë rreth e rrotull të ngacmojnë, përfshirë dhe mediat dhe ti vetë ende nuk ia ke pranuar vetes.
Megjithatë siç ka thënë Ola, në fund ata vendosën ta provonin dhe funksionoi shkëlqyer. Kimia që kishin ndier që në fillim, nuk zhgënjeu.
