Trajneri italian ka qenë shumë i lidhur me një largim nga Milan në fund të sezonit për të kaluar te Roma apo diku tjetër. Montella, ka mohuar një largim nga Rossonerët dhe i ka cilësuar si thashetheme shkrimet për largimin e tij.
Montella ka bërë të qartë që ndihet i lumtur dhe i nderuar që është trajner i Milanit dhe tani është duke planifikuar të ardhmen e klubit. “Kam lexuar disa thashetheme në ditët e fundit. Në këtë pikë ekziston harmonia e madhe, ne tashmë po planifikojmë të ardhmen”, ka thënë fillimisht Montella në konferencën për shtyp para ndeshjes me Atalantan.
