Moderatorja Bora Zemani ka dhënë detaje për ndarjen nga Vin Veli, lajm ky që bëri bujë në media.
Madje, ky lajm pasoi me një tjetër, ku Vin Veli ishte fotografuar në shoqërinë e dy vajzave në një klub. Por, Bora ka dhënë detaje teksa është shprehur se vajzat në fjalë janë mikeshat e saj dhe Vin Velit dhe se lajmet nuk janë të vërteta.
Moderatoja dhe Vin Veli kanë edhe një djalë të vogël. E ftuar në Xing me Ermalin, Bora rrëfen se Arbori është shumë i vogël dhe nuk e kupton ende, madje ai tani po përjeton anën e mirë sepse çdo gjë e ka dyfish, dy torta, dy lodra etj.
“Arbori nuk e kupton, është 3 vjeç. Tani Arbori po përjeton vetëm anën e mirë të ndarjes që e ka çdo gjë dyfish. Kur ka ditëlindjen ka dy torta, shkon dy herë tek lodrat, një herë me mamin, një herë me babin, merr dy lodra gjithmonë, një nga mami, një nga babi”, tregoi Bora.
E pyetur me kë qëndron djali tani që ajo dhe Vin Veli janë ndarë, moderatorja u shpreh se Arbori qëndron herë me të, herë me babin e vetë, ku të dojë ai.
“Viti që kaloi ka qenë i mbushur me lajme. Ne kemi patur probleme. Ne s’kemi qenë asnjëherë të martuar, tani jam ndarë nga i dashuri im me të cilin kam edhe një fëmijë. Djalin e mbajmë të dy. Ne s’kemi qenë as të martuar dhe nuk na e ka caktuar gjykata se si të procedojmë. Për ne është e rëndësishme të jemi prezentë në jetën e Arborit. Ishte një vit i tërë i mbushur me lajme dhe në fund ne ramë dakord që të ndahemi. Arborit nuk ia kemi shpjeguar sepse ai nuk e kupton tani, por ai po e përjeton mirë se e ka çdo gjë dyfish, kur ka ditëlindjen ka dy torta, shkon dy herë te lodrat, i blen lodra edhe mami edhe babi, ka anët e mira tani Arbori. Ne takohemi bashkë prej djalit, ne nuk jemi armiq me njëri-tjetrin, por nuk dalim bashkë për të pirë kafe. Nëse e quaj gabim e quaj gabimin më të bukur të jetës Vinin, një nga arsyet e ndarjes time me të ka qenë vendimi për të qenë bashkë në moshë shumë të re,” tha Bora.
