Ditën e nesërme, edhe 200 mjekë të Kosovës, do të shkojnë në Kukës për të marrë dozën e vaksinës së koronavirusit.
Lajmin e ka bërë kryetari i Federatës Sindikale të Shëndetësisë së Kosovës, Blerim Syla, në një intervistë për KosovaPress, ku dhe ka treguar gjendjen shëndetësore të bluzave të bardha që u injektuan një javë më para. Megjitahtë, ai nuk ka thënë se cilën vaksinë do të marrin stafi mjekësor
Ai ka thënë se 250 mjekët që u vaksinuan të shtunën e kaluar janë mirë me shëndet dhe se nuk kanë pasur ndonjë problem të theksuar, përpos reaksioneve normale.
“Nesër për në Kukës do të udhëtojnë edhe 200 mantelbardhë për të marrë dozën e parë të vaksinës anti-Covid. Mjekët që u vaksinuan javën e kaluar janë të gjithë mirë. Nuk kanë pasur ndonjë problem të theksuar, përvec reaksioneve normale”, ka thënë Syla.
