Simboli i shqiponjës tashmë do të gjendet edhe në hyrje të Podujevës, vetëm 5 kilometra nga pika kufitare me Serbinë.
Monumenti është iniciativë e Florent Hasanit, realizuar nga biznesmeni Muhamet Hasani. Inaugurimi i kësaj shqiponje do të bëhet të mërkurën më 19 qershor, në Ditën e Çlirimit të Podujevës.
Shqiponja është e përmasave gjigante, ndërsa është vënë tashmë në Podujevë. Një simbol i tillë u hoq në rrethrrotullimin te Dogana në Tiranë, duke shkaktuar një debat të madh.
Shqiponja ishte dhuratë e biznesmenit të njohur nga Tetova, Lazim Destani për 100 vjetorin e pavarësisë së Shqipërisë.
