Presidenti Trump dhe lideri i Koresë së Veriut, Kim Jong-un janë takuar për herë të dytë në Vietnam.
Dy liderët kanë shtrënguar duart teksa pozuan përpara flamujve duke qeshur, ndërkohë që shtypi ndërkombëtar shkrepte foto të takimit historik. Trump tha se priste që të zhvillohej një samit “shumë i suksesshëm”.
Kim tha “ne kemi qenë në gjendje të kapërcejmë të gjitha pengesat dhe ja ku jemi sot”. Në përgjigje të kësaj deklarate, Trump tha se “është nder për të fakti që është së bashku me Kim në Vietnam”.
“Është fantastike të jesh me ty, ne kishim një samit të parë shumë të suksesshëm. Disa njerëz donin të shihnin që ai ecte më shpejt, por jam i lumtur me përparimet e deritanishme”, tha Trump, teksa shtoi se marrëdhënia e dy liderëve “është me të vërtetë shumë e mirë”, raporton CNN.
Asnjëri prej tyre nuk iu përgjigj interesit të medias, ndërsa shumica e pyetjeve ishin për Trump./ Përshtati Tirana Today
