Update/ “Dëshmitarit X” i janë ofruar 200 mijë Euro për të mbyllur gojën, nga vrasës të skeduar nga Vlora dhe Fushë Kruja për të mohuar dëshminë e bërë publike”.
Kjo është deklarata e fortë e bërë nga kreu i opozitës edhe pse kryetari i Kuvendit Gramoz Ruçi, ka ndërprerë seancën, Basha vazhdon fjalimin e tij live nëpërmjet rrjetin social Facebook.
Ndryshe nga një ditë më parë, ku tha se njerëz të afërt me ministrin Fatmir Xhafaj dhe të vëllain e tij i kanë ofruar 200 mijë euro të afërmve të Albert Veliut, i njohur ndryshe si “Dëshmitarit X”, që ky i fundit të ndryshojë dëshminë, sot Basha tha se ata janë vrasës me pagese nga Vlora dhe Fushë Kruja.
Kryeopozitari tha gjithashtu se duhet të kishte nisur një hetim për të gjithë familjen Xhafaj dhe pasuria e tyre duhet të sekuestrohet.
“Të gjithë anëtarët e familjes Xhafaj duhet ti nënshtrohet një hetimi dhe këto pasuri duhet të konfiskohen. Fatmir Xhafaj është vetë subjekt i ligjit antimafia”.
Sipas Bashës, Agron Xhafaj duhet të ishte sot në burg për të vuajtur dënim, por kjo nuk ka për të ndodhur kurrë sepse ai mbrohet nga vëllai i tij, Agron Xhafaj dhe nga kryeministri vendit Edi Rama.
“Agron Xhafaj duhet të ishte sot në qeli duke u hetuar për veprat e tij penale,. Fatmir Xhafaj nëse do kishte ndonjë fije nder duhet ta kishte çuar vëllain e tij në burg. Por kjo nuk ka për të ndodhur kurrë”.
Basha ftoi të gjithë qytetarët të marrin pjesë në protestën e së shtunës.
“Ka mbetur ajo që i mbetet njerëzve të lirë, kur Kushtetuta shkelet, kur qeveria qeveris jashtë ligjit është e dhjetëra e sovranit të marrë fatin në dorën ftoj shqiptarët të bashkohen në protestën më të madhe kombëtare në orën 11 të shtunën, si njerëz të lirë, se nuk mund të humbasim më kohën tonë duke u marrë me kriminelin e radhës
Ta mbyllim njëherë e mirë këtë kapitull e të hapim ata që meritoni ju.
Ne i larguam ata që mbrojti Rama, sot po mbron Xhafaj, ne do të largojë atë, krimin dhe vetë kupolën mafioze me Ramën në krye, mbajtja e statusquo është e pamundur, vendi ka njerëz të ndershëm që mund t’i shërbejnë, PS ka njerëz të ndershëm, ndaj sot u bëj thirrje socialistë që ndihen të neveritur nga kapja e partisë, bashkohuni me ne, me shqiptarët, për një Shqipëri me qeverisje të ndershme dhe PS të ndershme.
Çfarëdo që të thotë sot ky daulleshpuari shqiptarët e dinë se negociatat nuk hapen pa u luftuar krimi, me reforma në letër, pa e ndarë qeverisjen nga krimi
Rama si ta kane thënë edhe mbrëmë, nuk hapen negociatat pa zgjedhje te lira dhe te ndershme
le te jemi te hapur te drejtpërdrejtë me njeri tjetrin, as opozita, as BE, as Holanda, Macroni, Merkeli nuk janë pengese, Rama ti jepe pengese. Xhafaj është pengesa qeveria jote, ju jeni tradhtaret e popullit”, tha Basha.
Video-Live/ Ruçi ndërpret seancën, Basha vijon fjalën në Kuvend
Seanca parlamentare është ndërprerë për herë të dytë brenda pak minutash. Kryetari i Kuvendit Gramoz Ruçi i ka kërkuar opozitës të largohet nga foltorja, por ajo nuk i është bindur. Në këtë mënyrë ai ka ndërprerë sërish seancën. Por opozita është futur live nëpërmjet rrjetit social Facebook.
Video/Plas në Kuvend, shpaloset banderola gjigande
Ashtu sikundër edhe pritje, opozita ka bllokuar foltoren e Kuvendit, ndërkohe që kreu i PD-së Basha po akuzonte nga foltorja dyshen Rama-Xhafaj, për skenar kriminal në shkelje të ligjit dhe në mbrojtje të vëllait të ministrit të Brendshëm.
Ndërkohë deputetet e opozitës rrethuan foltoren, duke mos lejuar zhvillimin e seancës sipas rendit të ditës, teksa kryeparlamentari Ruci i kujtonte Bashës së mbaroi koha në dispozicion.
