Myrto Uzuni është cilësuar si një bast i fituar i trajnerit të kombëtares shqiptare, Christian Panuccit. Ai vazhdon të shkëlqejë me skuadrën e Lokomotivës së Zagrebit, me gola dhe asiste.
23-vjeçari ka gjetur rrugën e rrjetës në sfidën e sotme ndaj Osijek. Miqtë kaluan të parët në avantazh në minutën e 35-të, falë autogolit të Krstanoviç. Ndërkohë në minutën e 45-të ishte Uzuni që me një parabolë mjaft të bukur kaloi portierin kundërshtar duke i dërguar skuadrat në dhomat në baraspeshë totale.
Goli i 3-të në kampionatin kroat për futbollistin e kombëtares shqiptarë, i cili po shndërrohet në lider te skuadra bardheblu që aktualisht mban vendin e dytë pas Dinamos së Zagrebit.
