Tifogrupi “Tirona Fanatics” nuk ka ndërmend të ndalet duke i kërkuar presidentit Refik Halili të japë dorëheqje nga klubi i Tiranës. Ata nuk kanë qenë ditën e sotme në shkallët e stadiumit “Selman Stërmasi” edhe pse Tirana u rikthye të luante në Kategorinë e Parë. Një vendim që ka ardhur në momentin kur kanë qenë tek porta e stadiumit dhe u janë kërkuar kartat e identitetit, vendim ky që sipas tyre nuk u ishte komunikuar më parë.
Për këtë arsye ata kanë vendosur të gjithë të braktisin ndeshjen. Kishin përgatitur edhe një banderolë drejtuar presidentit Halili dhe duke mos qenë në stadium e kanë shpalosur në sheshin “Skënderbej”. Në të shkruhej: “Sa tkesh jet sa tmoresh frym…do jesh personi mo i urrym!” Më poshtë, edhe postimi i plotë i “Tirona Fanatics” në “Facebook”:
Tirona Fanatics, sot, ka vendosur te mos hyj ne stadium, per shkak se ne momentin e mberritjes se kortezhit tek dera e stadiumit na eshte komunikuar kerkesa per karte identiteti, kerkese kjo qe bie ndesh me parimet dhe rregullat e tifogrupit.
Rregulla dhe parime qe jane ndjekur me fanatizem qe prej dates se pare te krijimit!
Ne kurrsesi nuk do te ndalojme ketu, PERKUNDRAZI!
Me poshte eshte video e paraqitjes se sotme
Bashke mo te forte
Tirona Fanatics est06
