Rikthehet terrori në Francë. Një person i armatosur qëlloi për vdekje 2 persona dhe plagosi një polic në një super-market në qytezën jug-perëndimore të Trebës. Ai mori peng edhe 10 klientë.
Ndërsa bëhet e ditur se policia ka qëlluar mbi të mbi të dyshuarin, i cili kishte marrë peng disa persona në një supermarket në qytetin jugor të Francës, Trèbes.
Sulmuesi, i cili thuhet se ka vrarë të paktën dy persona, tani është i vdekur, thonë burimet, raporton BBC.
Sipas policisë, ai është një 30-vjeçar me origjinë marokene por i lindur në Francë. Identiteti i tij ende nuk është bërë i ditur.
Pengmarrja nisi rreth orës 11.00. Atentatori hyri në supermarket duke bërtitur “Allah Ekber”. Kërcënonte se do i vriste të gjithë dhe se thoshte se po merrte hak për viktimat në Siri. Kërkonte po ashtu lirimin nga burgu të Salah Abdeslamit, atentatorit të vetëm të mbetur gjallë nga sulmi terrorist i Parisit i 2015-ës, ku u vranë 130 persona.
15 minuta para pengmarrjes, dyshohet se autori kishte sulmuar një grup njerëzish në një qytezë pran Trebës, por pa lënë të lënduar.
Në një deklaratë për mediat teksa ngjarja ishte në zhvillim, kryeministri Eduar Filip e konsideroi ngjarjen si një akt terrorist të mirëfilltë. Prej Janarit 2015 me sulmin ndaj redaksisë së revistës satirike Sharli Hebdo, Franca ka qenë arenë e një serie sulmesh terroriste të Shtetit Islamik që i kanë marrë jetën qindra të pafajshmëve. TIRANA TODAY
