Drejtësia italiane ka dhënë dënimet për 6 persona të arrestuar në saj të operacionit “White Wood”, ku ishin të përfshirë 3 shqiptarë dhe 3 vëllezër marokenë. Banda është goditur në janar të viti 2017, falë kamerave të vendosura në pemët e një pylli ku ndodhte dhe shkëmbimi i lëndës narkotike mes trafikantëve, shkruan Tirana Today.
Ata dolën nga një zonë me shkurre në muzg. Ata ishin të armatosur për të mbrojtur veten e tyre nga konkurrentët të mundshëm ose për të frikësuar klientët. Ishin gjithmonë të gatshëm të vepronin në ndonjë rast rreziku. Kur policia i zuri në befasi, ata u larguan përmes shkurreve dhe pemëve.
Terreni i vështirë bëri që përpjekja për t’i ndjekur ishte e pamundur. Pikërisht për këtë arsye ata kishin zgjedhur këto pyje në mes të Cerbaia dhe Castelletto në qytetet e Larciano dhe Lamporecchio, ku shkëmbenin kokainë dhe marijuanë me njëri -tjetrin, në një rrugë e cila mund të përshkohej vetëm me këmbë. Por, mëngjesin e 25 janarit 2017 përfunduan në pranga 6 persona, nën akuzën e drogës, raporton iltirreno.gelocal.it. 
Tre vëllezër maroken, banorë në Fucecchio u dënuan përkatësisht:
Redouane Jarmoune, 26-vjeç, u dënua me 8 vjet dhe u gjobit me 40,000 euro, por do të dëbohet nga Italia,pasi të shlyej dënimi;
Rachid Jarmoune, 24-vjeç, u dënua me 6 vjet dhe 4 muaj dhe u gjobit me 20,000 euro;
Mohamed Jarmoune, 21-vjeç, u dënua me 6 vjet dhe 4 muaj dhe u gjobit me 20,000 euro;
Por, këtë nuk ishin anëtarët e vetëm të bandës, por kishin bashkëpunuar me tre shqiptarë të cilët i furnizonin me drogë tre shpërndarësit marokenë të drogë.
Shqiptarët që ishin të përfshirë në këtë grup janë:
Altin Sheta, 44-vjeç, dhe Arjan Edja, 41-vjeç, të dy jetojnë në Lucca, u dënuan me nga 5 vite burg secili, si dhe janë gjobitur me 18.000 euro;
Erdi Shtylla, 29-vjeç, banor i Casalguidi u dënua me 3 vjet si dhe u gjobit me 1,600 euro. TIRANA TODAY
