Ndeshja mes Interit dhe Juventusit ka bërë shumë zhurmë këto dit sa i përket arbitrimit nga Orsato, i cili akuzohet që e bëri në dy standarde. Situata degradoi më shumë pasi dolën videot ku arbitri i katërt Tagliavento shprehet pas golit të Cudrados “tani fitojmë” dhe biseda më trajnerin e Juventusit, Allegrin në korridoret e stadiumit.
Biseda e tyre ishte: Allegri: Ciao Taglia, shkoi mirë sot, u tregua i zoti(për Orsaton). Ndërsa Tagliavento përgjigjet: “Notë kaluese”.
Shprehja “Notë kaluese” të kujton denoncimin para gjykatës të arbitrit Danilo Nucini, ku tregon se si Juventus komandonte arbitrat e Serie A, deri në momentin që plasi “Calciopoli”. Në deklaratat e tij Luciano Moggi ishte koka apo “truri” i të gjithë asaj që ndodhte dhe në moment që një arbitër ndëshkonte Juven ai dërgohej në Serie B. Por ajo që i bën të ngjashme këto raste është fakti se arbitrat që mbanin lojën në favor të Juventusit merrnin “Nota kaluese”, apo “Bëre mirë që more atë vendim” dhe vazhdonin arbitrimin në Serie A. Pas Calciopolit dhe shkarkimit të shumë zyrtarëve, kush i plotësoi vendet e tyre, mos ndoshta Tagliavento ka marrë rolin që kishte Luciano Moggi?
