Ky është momenti i tmerrshëm kur një person i armatosur hapi zjarr në një restorant në Toronto, Kanada, duke lënë 1 të vdekur dhe 13 të plagosur, duke përfshirë edhe një vajzë 9- vjeçare, përpara se edhe ai të vetëvritej.
Dëshmitarët thonë se një person i veshur me të zeza hapi zjarr në Greektown në Danforth, e cila është një zonë mjaft e populluar ku ka shumë restorante dhe dyqane. Ishte ora 22:00 e mbrëmjes së djeshme kur ka ndodhur masakra. Ai thuhet se ka qëlluar 20 herë.
Sulmuesi, i cili ishte i armatosur me një pistoletë, goditi të paktën 14 persona, duke vrarë një grua të re. Gruaja vdiq në spital pasi nuk mundi t’u mbijetonte plagëve. Një vajzë, 9 vjeçe, është dërguar në një qendër traumatike pasi është në gjendje të rëndë për jetë.
