Futbollisti shqiptar me origjinë nga Kosova ka shënuar një gol që do të mbahet mend gjatë në Norvegji. Bëhet fjalë për Zymer Bytyqin i cili ka qenë pjesë edhe e përfaqësueses së Kosovës në kohën kur ajo drejtohej nga Albert Bunjaku. Ai aktivizohet momentalisht në kategorinë e dytë norvegjeze me Viking.
Viking fitoi me përmbysje përballë Mjondalen me rezultatin 2-4 dhe goli i përmbysjes është shënuar nga Bytyqi. Pasi u asistua me një harkim nga e majta, Bytyqi me një lëvizje “alla Ibrahimoviç”, si një akrep, shënoi duke mos i lënë asnjë mundësi portierit kundërshtar.
Viking mban vendin e parë në renditje në kategorinë e dytë norvegjeze, me 58 pikë, dhe është një nga kandidatët kryesorë të ngjiten në elitën e futbollit skandinav.
