Zyrtarët e Gardës Civile kanë arrestuar anëtarë të bandës me origjinë spanjolle, shqiptare dhe irakiane, të akuzuar për futjen e emigrantëve ilegalisht në Britaninë e Madhe, shkruan Tirana Today.
Banda drejtohej nga irakianët të dyshuar se kanë ndihmuar emigrantë nga pesë vende të ndryshme për të hyrë në Britani. Ata janë arrestuar në Spanjë.
Europol, tha se kishte shkatërruar një bandë përgjegjëse për kontrabandimin e njerëzve.
Mendohet se të shtatë të dyshuarit u mundësonin emigrantëve të paligjshëm, kryesisht shtetasve shqiptarë, kalimin nga Spanja në Britani të Madhe.
Banda gjithashtu besohet se ka ndihmuar edhe njerëz nga Afganistani, Iraku, Pakistani dhe Siria etj.
Autoritetet thanë se banda përdorte tragete të rregullta nga portet veriore spanjolle të Santander dhe Santurtzi për të kryer aktivitetin e saj kriminal.
Ata ishin në gjendje të fusnin fshehurazi shtetasit nëpër kamionë të cilët më pas hipnin në anije, raporton Daily Mail.
Hetimi filloi kur autoritetet spanjolle zbuluan një numër gjithnjë e më të madh të shtetasve shqiptarë duke u përpjekur të hynin në portin e Santurtzi dhe më 19 mars arrestuan shtatë persona duke përfshirë shtetasit irakianë, shqiptarë dhe spanjollë.
Garda Civile Spanjolle bastisi tre shtëpi dy prej të cilave po përdoreshin si shtëpi të sigurta.
Ata konfiskuan IT dhe pajisje të lëvizshme, karta bankare dhe dokumente identiteti dhe pasaporta nga vende të ndryshme.
Shumë emigrantë të rinj shqiptarë kanë ndarë foto duke u ndjerë krenarë, ndërsa fshehin në anën e pasme të kamionëve të destinuar për në Britani.
Agjencia Kombëtare e Krimit ka paralajmëruar se grupet e krimit shqiptar kanë krijuar një “ndikim të profilit të lartë” në Mbretërinë e Bashkuar.
Ata janë furnizuesit kryesorë të kokainës në të gjithë vendin dhe gjithashtu janë të përfshirë në trafikim dhe prostitucion. Shqiptarët përbëjnë grupin e tretë më të madh të huaj të burgosur në Angli dhe Uells, pas kriminelëve irlandezë dhe polakë. TIRANA TODAY
