Një plagosje me armë zjarri ka ndodhur paraditen e sotme në Rehovë të Skraparit, ndërsa autori është arrestuar nga policia.
Sipas një njoftimi për shtyp të policisë, ngjarja e rëndë ka ndodhur rreth orës 09:40, kur 58-vjeçari Fatmir Cenaj, ka plagosur me armë zjarri për motive pronësie, ish-kryeplakun e fshatit. me iniciale J.B.
60-vjeçari i plagosur u transportua me helikopter për në Spitalin Ushtarak Tiranë, për ndihmë mjekësore më të specializuar.
Forcat e policisë arritën të arrestojnë autorin e krimit, i cili ishte fshehur në kodrat e fshatit. Në cilësinë e provës materiale u sekuestrua dhe arma tip automatik model 56.
