Lojtari i Kombëtares Shqiptare, Armando Sadiku ka tërhequr vëmendjen pas transferimit të tij të ekipi spanjoll i Levantes. Por, teksa ka luajtur me shtetas nga kombësi të ndryshme, duket se Sadiku është një njohës i gjuhës spanjolle, për të cilën ka nevojë për pak përmirësime.
Kështu, ai ka folur spanjisht për mediet teksa ka thënë se është i gëzuar që tashmë është në skuadrën e Levantes. Me pak vështirësi, por mesazhi i tij është i qartë.
Videoja e Sadikut ka shkaktuar reagime, teksa pati tifozë spanjollë që filluan të vinin në lojë Bejlin, për faktin që ka disa vite në Spanjë dhe preferon t’i japë intervistat në gjuhën angleze.
“Më një ditë në stërvitje dhe nisi të flasë spanjisht. Bejl ka vite që luan këtu dhe akoma nuk di të flasë”, shkruante njëri prej tifozëve të Levantes, i cili i uronte fat Sadikut dhe krenohej me blerjen që kishte bërë skuadra e tij.
Megjithatë, në deklaratën e tij Sadiku tha se me Enis Bardhin do të fliste në gjuhën shqipe.
