Dy persona kanë shitur shtetësinë e tyre italiane, e për pasojë kanë rënë në pranga të policisë. Sa kushton për të blerë një baba? 800 euro. Ky është elementi shqetësuese i dalë nga sondazhi i fundit i kryer nga seksioni hetimeve të policisë bashkiake, i cili zbuloi se dy persona me nënshtetësi italiane, në këmbim parave, kishin qenë të gatshëm të njohin atësinë e fëmijë të prostitutave shqiptare. Në momentin që një italian pranon atësinë e tyre, fëmija automatikisht merr nënshtetësinë italiane, dhe mund të qëndronte në shtetin fqinj, shkruan liberta.it.
Pas anketës, koordinuar nga zëvendës prokurori i Piacenza, Matteo Centini, ku një nënë shqiptare torturohej dhe detyrohej të prostituonte, pasi e shantazhonin se nuk do të shikonte vajzën e saj të porsalindur, kishin nisur hetimet.
Në tërësi, ka pesë raste që janë raportuar nga policia komunale, midis tyre dy italianët të cilët në mënyrë të rreme pranuan atësinë e fëmijëve në këmbim të parave. Ata kishin rregulluar testin e ADN-së që prokuroria të mos kishte dyshime.
Por një grua e re nga Shqipëria kishte qenë viktime e shfrytëzimit, e cila pasi kishte shkuar në Piacenza për të gjetur një punë të ndershme ishte ballafaquar me botën e egër të prostitucionit.
Ajo ishte shtatzënë, dhe po e priste fëmijën nga partneri i saj, një bashkatdhetar, kur ajo zbuloi se edhe ai ishte pjesë e rrjetit të prostitucionit. Sapo ajo kishte arritur në Itali, partneri e kishte detyruar atë që të prostituonte, në periferi të qytetit. Kjo nuk i kishte bërë përshtypje shqiptarit, edhe pse ai priste një fëmijë nga ajo.
Ai kishte nevojë për para, dhe nëna e re shtatzënë çdo natë ishte detyruar të dite në trotuare, ku shiste trupin e saj për të huajt. “Çdo mbrëmje ajo duhej të dërgonte në shtëpi së paku dyqind euro, plus një përqindje të performancës së përgjithshme” – shpjegojnë hetuesit – “përndryshe nuk do ta lejonin që ta shihte fëmijën e saj”.
Për fat të mirë, agjentët e seksionit hetimor të policisë komunale kanë punuar për vite me radhë dhe po hetojnë me sukses botën e prostitucionit në Piacenza. Njohuritë e tyre për territorin dhe dinamikën e mjedisit, i kanë lejuar që të bëjnë një kontroll normal në zonë.
Shqiptarja kishte arritur që të krijonte besim tek agjentët dhe kishte treguar historinë e saj të tmerrshme. Në këtë mënyrë policia e pati më të lehtë që të merrte nënë bashkë me vajzën duke i dërguar në një qendër të kontrolluar dhe të mbrojtur. Agjentët e policisë i kishin marrë fshehurazi. Shqiptarja kishte deklaruar në policia se atë e kishin detyruar të pranonte se fëmijën e kishte me një tjetër, dmth jo me babanë biologjik, por më një 63-vjeçar. Ndërkohë, hetimet e agjentëve kishin vazhduar dhe ishte zbuluar se edhe një djalë i një gruaje tjetër se kishte mbiemër italian. Ky mbiemër korrespondonte me një burrë 48-vjeçari nga Milani, i cili nuk ishte babai i vërtetë.
Në këtë pikë prokurori i Republikës së Piacencës, u ka bëre testin e ADN-së dy burrave dhe dy fëmijëve. Rezultati konfirmoi se ata nuk kishin lidhje gjenetike.
Lidhur me këto dy raste, shqiptari dhe shoku i tij kanë përfunduar në burg nënë akuzën shfrytëzim prostitucioni. Nga ana tjetër pas hekurave janë dërguar edhe dy italianët./TIRANA TODAY/
