Rajoni më verior i Etiopisë, Tigra-s është i njohur për kishat monolite të pazakonta që janë gdhendur në gurë gëlqerorë. Midis tyre, sigurisht më spektakolare, e njëherësh më e frikshme, është Abuna Yemata Guh.
Të mbërrish te ajo, për t’u futur e marrë pjesë në meshë, duhet të jesh dhe pak alpinist, i pajisur me teknika ecjeje speciale, trimëri e kurajo.
Ngjitja zgjat dy orë, me këmbë të zbathur, ndërkohë që kryeprift i Gebra Rufael Asresseh e ka kaluar çdo ditë atë rrugë por…mbaj frymën, 47 vjet me radhë.
Megjithëse Abu Yemata Guh konsiderohet të jetë kisha më e rrezikshme në botë, vlen të përmendet se deri më tani nuk është shënuar ndonjë incident.
Dikush pretendon se ky vend për kishë është zgjedhur që ajo të jetë “më afër” qiejve; të tjerë besojnë se ajo është aty për t’ju fshehur armiqve të mundshëm.
Brenda është me afreske të ruajtura të pacenuara prej shekujsh, kjo për shkak të motit të ngrohtë dhe mungesës së lagështisë.
