Russia Today – Një avion ushtarak MIRAGE 2000 u rrëzua gjatë një fluturimi testimi në një aeroport të Indisë sot (e premte, 1 shkurt 2019). Burimet ushtarake konfirmuan se të dy pilotët, që gjendeshin në bord, humbën jetën.
Incidenti u regjistrua në orën 10:30 (ora lokale) në aeroportn HAL në Bangalore, kryeqyteti i shtetit jugor të Indisë, Karnataka. Burimet ushtarake pohuan se një avion luftarak “Mirage 2000” u rrëzua gjatë manovrave për tu ngritur në ajër.
Të dy pilotët arritën të aktivizojnë parashutat, por humbën jetën gjatë përplasjes.
Videot, tregojnë pasojat e ngjarjes – flakët dhe retë e tymit pranë aeroportit. Po kështu mbi vendin e rrëzimit shquhen edhe helikopterë në fluturim.
https://www.youtube.com/watch?v=fhgx6Mx5dAY
Forca Ajrore Indiane ka një flotë prej rreth 50 avionësh sulmues “Mirage 2000” të prodhimit francez, të pajisur me sisteme të avancuara teknologjike.
TIRANA TODAY
