Në mesin e shumë raporteve të deklasifikuara të CIA-s, gjenden të dhëna interesante mbi mbretin shqiptar të rrëzuar nga froni, Ahmet Zogu. Në disa dokumente të shtatorit të vitit 1949, kur Zogu qëndronte më tepër në Egjipt, nën mbrojtjen e mikut dhe mbështetësit të tij Mbretit Faruk, aludohet për një lidhje incestuoze të tij me njërën nga motrat.
Raporti bazohet në dëshminë e avokatit amerikan Edgar M.Church, që arriti të hynte në kontakt me familjen dhe oborrin e Zogut, duke u bërë dhe përfaqësues juridik i interesave të Zogut në Shtetet e Bashkuara të Amerikës. Avokati Church, e krijoi këtë lidhje falë gruas së tij, Konteshës Margaret.
Kjo e fundit ishte kushërira e gruas së Zogut, Geraldinës. “Motra e Zogut, Zenida (Senija), është një grua idiote e cila ka një ndikim të tmerrshëm mbi të vëllanë. Zogu dhe Zenida kanë një lidhje incesti aktualisht, lidhje për të cilën Geraldina nga ana e saj ka dijeni”- pohon ndër të tjera Church.
Vetë shërbimi amerikan i inteligjencës, kujdeset që ta marrë disi me rezerva këtë pohim, por pa e hedhur poshtë atë, duke u shprehur: Me shumë gjasa, informacioni është i vërtetë.
