Në takimin e fundit “kokë më kokë” midis Ramës dhe Bashës, mediat regjistruan bisedën informale ku tregohet se Rama është shumë më i informuar se Basha për Presidentin Nishani.
Megjithëse Bujar Nishani ka qenë pjesë e strukturave të Partisë demokratike, forcë politike të cilën e drejton Lulzim Basha, duket qartë se kryeministri Rama ka më shumë informacion se Basha. Basha e ka pyetur presidentin nëse ai kishte vetëm një vëlla por e menjëhershme ka qenë ndërhyrja e Ramës duke e korrigjuar Bashën dhe duke e informuar se Presidenti i Republikës ka dy vëllezër.
Rama, Bashës: Po vëllai sa vjeç, është më i vogël?
Basha: Katër vjet.
Basha, Nishanit: Ti ke vetëm një vëlla?
Rama: Ka dy.
Nishani: Kam dy, unë jam i madhi. Unë kam qenë i pari. I dyti ka me mua 20 muaj diferencë.
Rama, Nishanit: Po i treti?
Nishani: Është 6 vjet më i vogël se unë. Iku në emigracion në Itali. Tani merret me biznes.
