Punonjësit e ARMO-së kanë dalë sot në protestë në qytetin e Fierit, ku kanë bllokuar rrugën kryesore. Ata kërkojnë punë dhe rrogën e prapambetur të dhjetorit. Në protestë ka ndërhyrë Policia e Fierit, efektivët e së cilës janë përplasur me protestuesit.
Naftëtarët kërkojnë sot përgjigje nga prefekti, ndërsa i kanë bërë thirrje kryeministrit Edi Rama të japë zgjidhje për dy kërkesat e tyre, duke paralajmëruar se do të bëjnë atë që bënë minatorët në vitin 1992. Më tej, naftëtarët e ARMO kanë deklaruar se nuk do të bëhen pjesë e asnjë partie politike, teksa i kanë kujtuar Ramës se ndodhet në atë kolltuk me votat, djersën dhe gjakun e tyre.
